معافی دا رَستہ کَڈیا جائے، سارے سیاسی رہنماواں نوں الیکشن لئی موقعہ دتا جائے،صدر

اسلام آباد( پنجابی میڈیا گروپ)صدر مملکت ڈاکٹر عارف علوی نے زور دتا اے کہ ساریاں سیاسی جماعتاں دی قیادت نوں الیکشن وچ حصہ لین دا یکساں موقع دتا جائے ۔عارف علوی نال سابق وفاقی وزیر تے سینیٹر محمد علی درانی نے ملاقات کیتی۔ایس موقع اُتے صدر مملکت نے گل بات کردیاں ہویاں آکھیا کہ ایس وار عام الیکشن آزادانہ، منصفانہ، شفاف تے جامع ہونا چاہیدا، ملک وچ جمہوریت دی مضبوطی لئی ساریاں سیاسی جماعتاں تے اونہاں دی قیادت نوں الیکشن وچ حصہ لین لئی یکساں موقع دتا جائے، اگر لوگ اپنی پسند دا لیڈر منتخب نہ کر سکن تے جمہوریت بے معنی ہو جاندی اے۔صدر مملکت نے آکھیا کہ تلخیاں ختم ہونیاں چاہیدیاں نیں ، تعاون تے درگزر دا رَستہ کَڈنا چاہیدا اے، مشکل فیصلیاں لئی عوامی حمایت تے سانجھی ملکیت درکار ہندی اے۔