جماعت اسلامی نے بجلی بلاں وچ وَدھ ٹیکساں نوں سپریم کورٹ وچ چیلنج کردتا

اسلام آباد( پنجابی میڈیا گروپ)جماعت اسلامی نے بجلی دے بلاں وچ وَدھ ٹیکساں خلاف عدالت نال رجوع کر لیا۔جماعت اسلامی نے بجلی دے بلاں وچ وَدھ ٹیکساںخلاف سپریم کورٹ وچ درخواست دائر کر دیاں ہویاں وفاق، نیپراسنے ہوراں نوں فریق بنایا اے۔درخواست وچ موقف اختیار کیتا گیا کہ بجلی ٹیرف دا تعین نیپرا ایکٹ خلاف نہیں کیتا جاسکدا، گھٹ ریٹ اُتے بجلی فراہم نہ کرنا آئینی خلاف ورزی اے، اک پاسے ماہانہ بنیاداں اُتے بجلی دے بلاں اُتے ٹیکس ودھایا جا رہیا اے، دُوجے پاسے ٹیکسٹائل صنعتاں مشکلاں دا ساہمنا کر رہیاں نیں۔جماعت اسلامی نے آکھیا کہ فیول ایڈجسٹمنٹ پرائس خلاف قنون اے، قنون بالکل واضح اے نیپرا بطور ریگولیٹر پالیسی نہیں بنا سکدی، ایس ویلے نگران حکومت اے جیہڑی پالیسی فیصلے نہیں کرسکدی، ایسی صورت حال وچ عدلیہ ہی واحد ادارہ اے جیہڑا ایس معاملے اُتے نوٹس لے سکدی اے۔