PSOنے PIA نوں ایندھن دینا بند کردتا

کراچی( پنجابی میڈیا گروپ) قومی ایئرلائن دے واجبات 26.5 ارب روپے توں وَدھ گئے۔ پاکستان اسٹیٹ آئل نے پی آئی اے نوں ایندھن دی فراہمی بند کردتی اے۔پی ایس او ذرائع دا کہنا اے کہ قومی ایئرلائن دے واجبات دی عدم ادائیگی اُتے چھوٹے روٹاںلئی مقامی پروازاں نوںایندھن دینا مجبورا بن کرنا پئیا۔ بھاری مالیت پاروں پی ایس او نوں وی شدید مالی بحران دا سامنا اے ۔ واجب لادا واجبات ادا نہ کرن اُتے پی آئی اے نوں ایندھن دی فراہمی بند کیتی اے، پہلے مرحلے وچ چھوٹے شہراں دے وچکار فلائٹ سروس نوں ایندھن دی فراہمی بند کیتی گئی اے،وڈھے شہراںدے وچکار پی آئی اے دیاں پروازاں نوں ایندھن معمول مطابق دتا جارہیا اے۔زرائع دا کہنا اے کہ قومی ایئرلائن دی کریڈٹ لائن دی حد پوری ہوچکی اے 10 اکتوبر تک واجبات 26 ارب 50 کروڑ روپے توںوَدھ چکے نیں ۔ زرائع مطابق پی آئی اے دی انٹرنیشنل پروازاں نوں ایندھن دی فراہمی بدستور جاری اے۔اندرون ملک وڈھے شہراں دے وچکار آپریٹ ہون والیاں پروازاں نوں وی ایندھن دی فراہمی جاری اے۔