جیل ایسے لئی کَٹ رہا ہاں، پرویز الہی دا پی ٹی آئی نہ چھڈن دااعلان

راولپنڈی( پنجابی میڈیا گروپ) پی ٹی آئی دے صدر پرویز الہی نے آکھیا اے کہ پی ٹی آئی نہیں چھڈاں گا تے جیل ایسی لئی کَٹ رہیا ہاں۔جوڈیشل کمپلیکس وچ صحافی نے پرویز الہی توں سوال کیتا کہ سُنیا اے کہ تہاڈے نال چیئرمین پی ٹی آئی دی اڈیالہ وچ کوئی گل بات ہوئی اے، کیا ٹکٹاں دی وَنڈ بارے تجویز مَنگی گئی اے، ایس اُتے پرویز الہی نے انکار کیتا کہ نہیں ایسا تے کجھ نہیں ہویا ۔ پرویز الہی نے آکھیا کہ جج صاحب آئے سن، اونہاں نے چیئرمین پی ٹی آئی دے سیل باہر دیوار گروا دتی، البتہ جیل وچ کھانا چنگا نہیں دتا جا رہیا، فوڈ پوائزنگ ہوگئی اے، کھانا چنگا نہیں اے جس نال صحت چنگی نہیں اے، بوہت مشکل نال ایتھے پہنچیا ہاں۔صحافی نے پرویز الہی توں سوال کیتا کہ پی ٹی آئی سے نال رہوں گے یا چھڈ دیو گے، ایس اُتے سابق وزیراعلی نے کہا کہ نہیں چھڈاں گا، جیل ایس لئی کٹ رہا ہاں۔صحافی نے آکھیا کہ نواز شریف قید سن تے مونس الہی کہندے سن کہ پُتر اونہاںنوں پچھن نہیں جاندے، ہُن تُسی مشکل وچ او تے ہاڈے پُتر کیوں نہیں آرہے؟ پرویز الہی نے جواب دتاکہ مینوں کوئی مشکل نہیں، ٹھیک ہاں خدا دا شکر اے۔