جیہڑا غیر قنونی وَسے گا یکم نومبربعد اوس نال کوئی کمپرومائز نہیں ہوئے گا،سرفراز بگٹی

لہور (پنجابی میڈیا گروپ)افغان شہریاں دے حوالے توں جاری بیان وچ نگران وزیر داخلہ سرفراز بگٹی نے آکھیاکہ افغانی باشندیاں دی بے دخلی بارے گل بات ہوئی سی ایس گل بات وچ سارے اسٹیک ہولڈر موجود سن تے فیصلہ ہویا سی کہ افغان باشندیاں نوں اک گریس پیریڈ دتا جائے جَد کہ بوہت سارے لوکاں تے اونہاں ولوں ڈیمانڈ آرہی سی کہ لوگ رضاکارانہ طور اُتے جانا چاہندے نیں۔اونہاں نے آکھیا کہ جیہڑا یکم نومبر تک جانا چاہندا اے چلا جائے اوس دے بعد کوئی کمپرومائز نہیں ہوئے گا، پہلے دن توں ایہ آکھیا اے کہ ایہ صرف افغان بیسڈ پالیسی نہیں اے، ایہ پالیسی غیرقانونی ایلین بارے وچ اے، چاہے اوہ جس وی ملک نال تعلق رکھدے ہون۔سرفراز بگٹی دا کہنا سی کہ جَد گل غیر قنونی وَسدے لوکاں بارے ہو رہی اے تے اوہ افغانی ہون یا کوئی وی غیرملکی، جنہاں دے کول ویزا اے، انہاں نوں اسیں کجھ نہیں کہنا، اسیں صرف غیر قنونی وَسدے غیرملکیاں نوں گھل رہے ہاں۔