جماعت اسلامی، پی ٹی آئی نے میئر کراچی دے کاغذات نامزدگی چیلنج کر دتے

کراچی(پنجابی میڈیا گروپ) ضمنی بلدیاتی الیکشن بارے مرتضی وہاب دیاں مشکلاں گھٹ نا ہوسکیاں، سٹی کورٹ الیکشن ٹریبیونل غربی دی عدالت وچ میئر کراچی مرتضی وہاب دے ضلع کیماڑی توں کاغذات نامزدگی نوں جماعت اسلامی و تحریک انصاف ولوں چیلنج کردتا گیا۔جماعت اسلامی دے امیدوار برائے چیئرمین یوسی3ماڑی پور محمد حسین نے عثمان فاروق ایڈوکیٹ دے توسط نال الیکشن ٹریبیونل وچ دائر درخواست وچ موقف اپنایا اے کہ مرتضی وہاب ماڑی پور یوسی3 دے ووٹر نیں تے نہ ہی رہائشی۔ ریٹرننگ افسرولوں مرتضی وہاب دے کاغذات نامزدگی دی منظوری غیر قنونی اے کیونکہ سندھ لوکل گورنمنٹ ایکٹ 2013 دے مطابق امیدوار دا وارڈ یا کونسل وچ رجسٹرڈ ووٹر ہونا ضروری اے۔درخواست گزار دے مطابق ریٹرننگ افسر نوں اپنے اعتراض توں آگاہ کیتا لیکن ریٹرننگ افسر نے کارروائی نہیں کیتی لہذا الیکشن ٹریبیونل ریٹرننگ افسر دے غیر قنونی اقدام نوںکالعدم قرار دے تے مرتضی وہاب دے کاغذات نامزدگی نوں مسترد کیتا جائے۔