سردیاں وچ صبح، دوپہر تے شام گیس دی لوڈ شیڈنگ نہ کرن دا فیصلہ

اسلام آباد(پنجابی میڈیا گروپ) گیس کمپنیاں نے موسم سرما وچ گیس لوڈ مینجمنٹ پلان دی تیاری شروع کردتی، گھریلو سیکٹر لئی صبح، دوپہر تے شام ویلے گیس دی لوڈ شیڈنگ نہیں کیتی جائے گی۔ذرائع نے دسیا اے کہ موسم سرما وچ گیس دی مقامی پیداوار3ارب60کروڑ کیوبک فٹ یومیہ رین دا امکان اے جس وچ1 ارب کیوبک فٹ ایل این جی درآمد کرن دی منصوبہ بندی کیتی جائے گی۔ذرائع نے دسیا اے کہ موسم سرما وچ سسٹم وچ پونے 5 ارب کیوبک فٹ یومیہ گیس دستیاب ہوئے گی، موسم سرما وچ زیادہ توں زیادہ گیس دی طلب ساڑھے 6 ارب کیوبک رہن دا امکان، موسم سرما وچ گیس دا شارٹ فال 1 ارب کیوبک فٹ یومیہ دی سطع اُتے پہنچ سکدا اے لیکن سرما وچ گھریلو صارفین نوں گیس دی فراہمی پہلی ترجیح ہوئے گی تے پاور سیکٹراں نوںگیس دی فراہمی دُوجی ترجیح ہوئے گی۔