پاکستانی معیشت وَدھن لگ پئی ،شرح نمو3.5فیصد بہتر

اسلام آباد(پنجابی میڈیا گروپ)پاکستان دے معاشی بحالی دے سفر اُتے گامزن ہون پاروں شرح نمو وچ وی بہتری آن لگی۔خیال رہے کہ ملکاں دی ترقی دا دارومداد اوہناں دی مضبوط معیشت اُتے ہندا اے، عسکری قیادت تے ہوراں حکمراناں دی انتھک کوششاں تے محنت دے ثمرات رونما ہو رہے نیں۔مالی سال 2024 لئی شرح نمو 3.5فیصد تک بہتر ہوئے گئی، سال2023 لئی ایہ شرح 0.3 سی ۔ اگست 2023تک پاور جنریشن وچ14فیصد، ڈیزل سیل وچ 11فیصد تے پٹرول سیل وچ8فیصد توں وَدھ اضافہ ویکھیا گیا اے، سیمنٹ سیل وچ45، یوریا سیل وچ49 تے آٹو سیلز وچ18فیصد اضافہ ہویا جدکہ ستمبر2023 وچ پاکستان دی برآمدات 1.15 فیصد توں2.40 بلین ڈالر تک پہنچ چکی اے۔پاکستان پٹرولیم لمیٹڈ دی شرح نمو وچ42 فیصد دا ریکارڈ اضافہ ویکھن وچ آیا اے، ملک وچ کاٹن دی پیداوار 72 فیصد تے کنک دی پیداوار28ملین ٹن تک پہنچ چکی اے جدکہ چاول دی پیداوار 9 ملین ٹن پہنچن دے امکان نیں۔واضح رہے کہ پاک فوج تے نگران حکومت ملک نوں معاشی بحران توں کَڈ کے ترقی وَل راغب کرن لئی پُرعزم نیں۔