عالمی برادری فلسطینیاں دا قتل رکوان لئی اہم کردار ادا کرے، مریم نواز

لہور(پنجابی میڈیا گروپ)مسلم لیگ ن دی سینئر نائب صدر تے چیف آرگنائزر مریم نواز نے فلسطینیاں توں اظہار یکجہتی کردیاں ہویاں آکھیا کہ عالمی برادری فلسطینیاں دا قتل رکوان لئی کردار ادا کرے۔مسلم لیگ ن دی سینئر نائب صدر تے چیف آرگنائزر مریم نواز نے آکھیاکہ نہتے تے محصور فلسطینیاں اُتے وحشیانہ بمباری جنگی جرائم نیں، ہسپتالاں، قافلیاں، نہتی آبادیاں اُتے حملے بہادراں تے قنون اُتے چلن والی قوم دا شیوہ نہیں، فلسطینیاں دے قتل عام اُتے اسلامی دنیا دی عوام وچ شدید غم و غصہ اے۔ن لیگ دی چیف آرگنائزر نے آکھیا کہ اسلامی ملکاں دی قیادت عوام دیاں اُمنگاں دی ترجمانی کرے، اسلامی دنیا امن تے قیام، تنازع فلسطین دے منصفانہ حل تے محصور فلسطینیاں دی مدد لئی اگے وَدھ کے کردار ادا کرے۔مسلم لیگ ن دی سینئر نائب صدر نے ہور آکھیا کہ محصور فلسطینیاں نوں خوراک تے دوایاں دی فراہمی دا بندوبست کیتا جائے۔