21اکتوبر نوں نواز شریف دی قیادت وچ اک نویں تریخ لکھاں گے،رانا ثنا اللہ

لہور( پنجابی میڈیا گروپ)پاکستان مسلم لیگ ن پنجاب دے صدر و سابق وزیر داخلہ رانا ثنا اللہ نے آکھیا اے کہ 21 اکتوبر نوں مینار پاکستان اُتے نواز شریف دی قیادت وچ اک نویں تریخ لکھاں گے۔اپنے اک بیان وچ ن لیگی رہنما رانا ثنا اللہ نے آکھیا کہ21 اکتوبر توں پاکستان وچ سیاست دا رنگ تے ماحول بدل جائے گا، 21 اکتوبر مایوسیاں نوں ختم تے اُمید و یقین دے نویں دور دا آغاز ہوئے گا۔اونہاں نے آکھیا کہ 2018 دی ترقی دا دور واپس آ رہا اے، کارکناں تے عوام وچ جوش و خروش ہر روز وَدھ رہیا اے، قائد نواز شریف پاک سر زمین نوں دوبارہ اُمید تے یقین دین آ رہیا اے۔ رانا ثنا اللہ نے ہور آکھیا کہ2018 توں2022 دا تجربہ نہ ہُندا تے قوم مایوس تے معیشت تباہ نہ ہندی۔