زراعت، غذائی تحفظ تے غربت نوں ختم کرن وچ دیہاتی عورتاں دا اہم کردار اے،پرویزاشرف

اسلام آباد(پنجابی میڈیا گروپ)سپیکر قومی اسمبلی راجہ پرویز اشرف نے آکھیا اے کہ زراعت، غذائی تحفظ تے غربت ختم وچ دیہاتی عورتاں دا کردار انتہائی اہمیت رِکھدا اے۔دیہاتی عورتاں دے عالمی دن اُتے سپیکر قومی اسمبلی راجہ پرویز اشرف نے دیہاتی عورتاں دیاں خدمتاں نوں خراج تحسین پیش کردیاں ہویاں آکھیا کہ دیہاتی عورتاں نوں بااختیار بنائیوں بغیر پائیدار ترقی دا خواب شرمندہ تعبیر نہیں ہو سکدا۔ونہاں نے آکھیا کہ پاکستان پیپلز پارٹی نے 15 اکتوبر نوں دیہاتی عورتاں دا دن قرار دتا سی، ساریاں سیاسی پارٹیاں نوں دیہاتی عورتاںدے دن نوں اہمیت دین دی لوڑ اے، دیہاتی عورتاں نوں درپیش چیلنجاں توں نمٹن لئی مربوط حکمت عملی اپنان دی لوڑ اے۔