جانبدار وفاقی وزیراں تے سیکرٹریاں نوں ہٹان دا کیس: الیکشن کمیشن محفوظ فیصلہ کل سنائے گا

اسلام آباد( پنجابی میڈیا گروپ)الیکشن کمیشن نگران حکومت وچ جانبدار وفاقی وزیراں تے وزیراعظم دے سیکرٹریاں نوں عہدیاں توں ہٹان بارے درخواست اُتے محفوظ فیصلہ کل سنائے گا ۔الیکشن کمیشن وچ درخواست ایڈووکیٹ عزیز الدین کاکاخیل ولوں دائر کیتی گئی سی ، درخواست گزار نے نگران وفاقی وزیر فواد حسن فواد، مشیر احد چیمہ نوں ہٹان دی درخواست کیتی سی۔وکیل درخواست گزار نے موقف اختیارکیتا کہ وزیر اعظم دے سیکرٹری توقیر شاہ سابق وزیر اعظم دے سیکرٹری رہے، آرٹیکل 218 مطابق نگران سیٹ اپ غیر جانبدار ہونا چاہیدا۔الیکشن کمیشن نے درخواست اُتے10اکتوبر نوں فیصلہ محفوظ کیتا سی۔