وزیراعظم داکپاس گھٹ قیمت خریدن اُتے نوٹس

اسلام آباد( پنجابی میڈیا گروپ)نگران وزیراعظم انوار الحق کاکڑ نے حکومت ولوں کپاس دی مقررہ قیمت توں گھٹ خریدن دا نوٹس لے لئیا۔اونہاں نے آکھیا کہ حکومت نے کپاس دے کساناں نوں سپورٹ کرن لئی کپاس داگھٹ توںگھٹ ریٹ مقرر کیتاسی لیکن ویکھا جا رہیا اے کہ بعض جگہ کپاس اوس توں گھٹ قیمت اُتے خریدی جا رہی اے۔اونہاں دا کہنا سی کہ ملک وچ کپاس دی فصل چنگی ہونا چنگی گل اے لیکن ایس دا فائدہ کسان تک پہنچنا چاہیدا اے۔وزیراعظم نے ٹریڈنگ کارپوریشن آف پاکستان نوں نوٹس لین تے فوری رپورٹ پیش کرن دی ہدایت کردیاں ہویاں آکھیا کہ حکومت دی واضح ہدایت اے کہ کپاس دی خرید حکومت ولوںطے شدہ قیمت اُتے ہی ہوئے تا کہ کسان نوں نقصان توں بچایا جا سکے۔