لہور ہائیکورٹ نے حنیف عباسی نوں ایفی ڈرین کیس توں بری کردتا

لہور( پنجابی میڈیا گروپ) لہورہائیکورٹ دی جسٹس عالیہ نیلم دی سربراہی وچ2 رکنی بینچ نے اپیل اُتے محفوظ فیصلہ سنایا تے حنیف عباسی دی ایفی ڈرین کیس وچ عمر قید دی سزا خلاف اپیل منظور کردیاں ہویاں سزا کالعدم قرار دتی۔عدالت نے ایفی ڈرین کوٹہ کیس وچ حنیف عباسی نوں بری کردتا۔پاکستان مسلم لیگ ن دے رہنما حنیف عباسی تے ہوراں ملزماں اُتے جولائی 2012 وچ 500 کلو گرام ایفی ڈرین حاصل کرن دا مقدمہ دائر کیتا گیا سی، اینٹی نارکوٹکس فورس اے این ایف نے حنیف عباسی سنے ہوراں ملزماں اُتے9 سی ایکٹ تحت مقدمہ درج کیتا سی ایس مقدمے وچ حنیف عباسی سے علاوہ غضنفر، احمد بلال، عبدالباسط، ناصر خان، سراج عباسی، نزاکت تے محسن خورشید نامی افراد وی شامل سن۔