بل دیاں گے تے لوڈشیڈنگ نہیں کراںگے، سیکرٹری پاوردا دو ٹوک بیان

مردان (پنجابی میڈیا گروپ) تقریب نال خطاب وچ سیکرٹری پاور ڈویژن راشد لنگڑیال نے آکھیا کہ وزیراعظم دی ہدایت اُتے7 ستمبر نوں بجلی چوری دے خلاف مہم شروع کیتی گئی جس وچ بجلی چوراں توں 26 ارب روپے وصول کرچکے نیں جَد کہ 12 مہینیاں وچ ایہ وصولیاں 300 ارب تک پہنچ جان گیاں۔سیکرٹری پاور نے آکھیا کہ بل دیاںگے تے لوڈشیڈنگ نہیں کراں گے، ملک بھر دے جیہڑے فیڈرز چوری توں پاک ہون گے اوتھے لوڈشینڈنگ ختم کر دتی جائے گی جَد کہ مردان وچ ثابت کیتا کہ چوری روکی جا سکدی اے، ایس لئی مردان نوں لوڈشیڈنگ فری کردتا اے تے اج مردان شہر دے17فیڈر لوڈشیڈنگ فری ہوجان گے۔اونہاں نے ہور آکھیاکہ مردان ضلعی انظامیہ نے بجلی چوری دی روک تھام وچ بوہت محنت کی کیتی ، بجلی چوراں دے خلاف بلا امتیاز کارروائی جاری اے جس دے بعد مردان پاکستان دا پہلا شہر اے جیہڑا بجلی چوری توں پاک ہو گیا اے۔راشد لنگڑیال دا کہنا سی کہ محکمے دے ملازماں دے ملوث ہون دے بغیر بجلی چوری ناممکن اے، اسیں بجلی چوری وچ ملوث ملازماں نوں وی گرفتار کیتا، ایہ وارننگ اے کہ نہ کسی بجلی چور نوں بخشن گے تے نہ ہی اونہاں دے سہولت کاراں نوں سیکرٹری پاور نے ہور آکھیاکہ جنہاں سرکاری محکمیاں ولوں بجلی دے بقایاجات نیں اونہاں دے بجٹ توں کٹ لاں گے۔