صدر عارف علوی فلسطینی سفارتخانے پہنچ گئے، غزہ اُتے اسرائیلی جارحیت دی مذمت

اسلام آباد( پنجابی میڈیا گروپ)صدر مملکت ڈاکٹر عارف علوی نے فلسطینی سفارت خانے دا دورہ کیتا، جیتھے اونہاں نے غزہ اُتے اسرائیلی جارحیت دی مذمت کیتی۔صدر مملکت ڈاکٹر عارف علوی اسرائیل دے ہتھوں قتل عام دا نشانہ بنن والے فلسطینیاں دے نال اظہار یکجہتی لئی فلسطینی سفارت خانے پہنچے جیتھے اونہاں نے آکھیا کہ عالمی برادری نال اسرائیلی جارحیت وچ ہزاراں بے گناہ افراد دی شہادت اُتے مذمت کرن دی اپیل کیتی۔صدر مملکت نے فوری طور اُتے جنگ بندی تے خوراک، بجلی و پانی توں محروم لوکاں تک امداد پہنچان لئی انسانی بنیاداں اُتے راہداری کھولن دا مطالبہ کیتا۔ اونہاں نے فلسطین دے سفیر احمد جواد ربیع نال ملاقات کیتی تے پاکستانی حکومت تے عوام ولوں فلسطینی بھائیاں دے نال یکجہتی دا اظہار کیتا۔ڈاکٹر عارف علوی نے آکھیا کہ پاکستان ہمیشہ فلسطین دے نال کھڑا رہے گا ۔ پاکستان صرف اوہی حل قبول کرے گا جیہڑا فلسطینیاں لئی قابل قبول ہوئے ۔ اقوام ِمتحدہ وچ فلسطین اندر ہون والے مظالم اُتے بحث ہونی چاہیدی اے۔ سلامتی کونسل اسرائیلی مظالم نوں روکن لئی قرارداد پاس کرے۔ ایس طرح دے وحشیانہ اقداماں نال نفرت دے ہور امکان پیدا ہُندے تے ہور جنگاں شروع ہُندیاں نیں۔