پی ٹی آئی نے اداریاں نوں بدنام کرن لئی سوشل میڈیا دا بے دریغ استعمال کیتا،فردوس عاشق

لہور( پنجابی میڈیا گروپ) ترجمان استحکام پاکستان پارٹی فردوس عاشق اعوان دا کہنا اے کہ سالانہ ترقیاتی پروگرام دی آڑ وچ جھوٹا پروپیگنڈا کیتا گیا ، پی ٹی آئی نے اداریاں نوں بدنام کرن لئی سوشل میڈیا دا بے دریغ استعمال کیتا۔ترجمان استحکام پاکستان پارٹی فردوس عاشق اعوان نے اک پریس کانفرنس وچ آکھیا کہ ٹرینڈ سیٹ کرکے ٹاپ ٹرینڈ اُتے رہنا چیئرمین پی ٹی آئی دا پسندیدہ مشغلہ سی، پی ٹی آئی نے سرکاری وسائل نال جھوٹا پروپیگنڈا کیتا جس نال ساڈھا وقار دنیا بھر وچ مجروح ہویا۔اونہاں نے آکھیا کہ اک شخص دی خود پسندی لئی 8سو70 ملین روپے خرچ کیتے گئے ، اک شخص دی بت پرستی،ایس دے بیانیے نوں پروموٹ کرن لئی فنڈزرکھے گئے۔فردوس عاشق اعوان داکہنا سی کہ ظاہر کیتا گیا کہ ایہ مفاد عامہ دی ترقی کیلئیرکھا گیا بجٹ اے، 30 توں40 افراد نوں بھرتی کیتا گیا،800اکانٹ کھولے گئے جنہاں توں ریاست تے عوام وچ دراڑ پان دی پلاننگ کیتی گئی۔