کے الیکٹرک نوں بجلی دیاں تقسیم کارکمپنیاں نوں وَدھ سبسڈی دتے جان داانکشاف

لہور( پنجابی میڈیا گروپ)بجلی دیاں سرکاری تقسیم کار کمپنیاں دے مقابلے وچ کراچی وچ بجلی دی تقسیم کار نجی کمپنی کے الیکڑک نوں سب توں وَدھ سبسڈی دتے جان دا انکشاف ہویا اے۔سیکرٹری پاور ڈویژن راشد لنگڑیال نے ڈسکوز تے کے الیکٹرک نوں ملن والی سبسڈی اُتے بیان وچ آکھیا اے کہ حکومت ساریاں بجلی کمپنیاں نوں ملا کے وی کے الیکٹرک سیکم سبسڈی دے رہی اے۔راشدلنگڑیال مطابق کے الیکڑک 169 ارب روپے دی سبسڈی لے رہی اے جَد کہ ہور7 تقسیم کار کمپنیاں 158 ارب روپے دی وفاقی سبسڈی لے رہیاں نیں۔راشد لنگریال دا کہنا اے کہ بجلی دیاں3 تقسیم کار کمپنیاں وفاق توں کوئی سبسڈی نہیں لے رہیاں۔سیکرٹری پاور ڈویژن مطابق وفاق ولوں میپکو نوں 43 ارب، گیپکو نوں 18 ارب، حیسکو نوں 35 ارب روپے، پیسکو نوں 18 ارب، ٹیسکو نوں 9 ارب، سیپکو نوں 13ارب تے کیسکو نوں22 ارب روپے دی سبسڈی مل رہی اے۔سیکرٹری پاور ڈویژن دا کہنا اے کہ آئیسکو، لیسکو تے فیسکو وفاق توں کوئی سبسڈی نہیں لے رہیاں۔