الٹی میٹم صرف افغان باشندیاں لئی نہیں، ساریاں غیر ملکیاں لئی اے،سرفراز بگٹی

لہور( پنجابی میڈیا گروپ)نگران وفاقی وزیر داخلہ سرفراز بگٹی دا کہنا اے کہ حکومت داالٹی میٹم صرف افغان باشندیاں لئی نہیں، ساریاں غیرقنونی وسن والے غیر ملکیاں لئی اے۔سینیٹ دی قائمہ کمیٹی برائے داخلہ دے اجلاس وچ بریفنگ دیندیاں ہویاں سرفراز بگٹی دا کہنا سی کہ اسیں غیر قنونی وسن والیاں بارے گل کیتی سی لیکن اوس دا غلط پیغام چلا گیا، اسیں غیر قنونی طور اُتے پاکستان وچ وسن والیاں نوںکَڈن دی گل بات کیتی لیکن ایسا پیغام گیا کہ شاید صرف افغان شہریاں نوں کَڈ رہے ہاں۔سرفراز بگٹی دا کہنا سی کہ حکومت دا پیغام صرف افغان شہریاں لئی نہیں، سارے غیرقنونی وسن والیاں لئی اے، کسی ملک وچ ایہ نہیں ہُندا کہ کوئی غیرقنونی طوراُتے آ کے بیٹھ جائے۔نگران وفاقی وزیر داخلہ دا کہنا سی کہ کسی دے کول ریفیوجی کارڈ اے یا ویزااے یے اوہ ساڈھا مہمان اے، حکومت ایران توں آن والے بلوچاں نوں وی کڈ رہی اے۔