زخمیاں نوں اسپتال چھڈ کے کِدھرے نہیں جاواں گے، ڈاکٹر

غزہ( پنجابی میڈیا گروپ)نا قابل یقین حد تک مشکل حالات وچ کم کردے غزہ دے ڈاکٹراں دا عزم و حوصلہ اُچا اے، جذبہ تے ہمت جوان رکھن لئی ڈاکٹر گیت وی گاندے نیں۔غزہ دے العودہ اسپتال دے ڈاکٹراں دی مشکل حالات وچ حوصلہ اُچے رکھن لئی گیت گان دی ویڈیو سامنے آگئی۔ڈاکٹراں دا کہنا اے کہ اوہ درد ختم ہون تک ایتھے رہن گے ، زخمیاں نال بھرے غزہ دے اسپتالاں نوں چھڈ کے کِدھرے نہیں جان گے۔ دُوجے پاسے اسرائیل دی نہ رکن والی وحشیانہ بمباری نال غزہ وچ ننھے بال ڈر گئے نیں۔غزہ دی اک ننھی بچی دا کہنا اے کہ بمباری ہُندی اے تے بوہت ڈرلگدا اے تے ماں دے گلے لگ جاندی ہاں۔رپورٹ مطابق اسرائیلی جارحیت پاروں زخمی ہون والے فلسطینیاں دی تعداد 15 ہزار 143 تک پہنچ گئی اے۔