الیکشن مہم شروع ہو چکی اے، ساڈھا رستہ آئین دا رَستہ ہوئے گا،نہال ہاشمی

سکھر( پنجابی میڈیا گروپ)مسلم لیگ ن دے رہنما نہال ہاشمی نے آکھیا اے کہ الیکشن مہم شروع ہو چکی اے، ساڈھا رستہ آئین دا رستہ ہوئے گا۔سکھر وچ پریس کانفرنس کردیاں ہویاں ن لیگی رہنما نہال ہاشمی نے آکھیا کہ نواز شریف طویل جلا وطنی تے علالت بعد پاکستان آئے نیں، میاں صاحب دی پاکستان آمد اُتے پوری قوم نے خوشیاں منائیاں، سندھ توں اینہے وَدھ کارکن سن کہ ساریاں ٹریناں تے گڈیاں بھر گئیاں سن۔اونہاں نے آکھیاکہ لہور جلسہ ختم ہون دے بعد کارکن تے عوام دا اینہا رش سی کہ آندیاں ہویاں1 گھنٹے تک میں اپنی گڈی نوں پیدل لَبھ دا رہیا لیکن نہیں مل رہی سی، نواز شریف دا تریخی استقبال کیتا گیا سی۔نہال ہاشمی دا کہنا سی کہ کراچی توں2 ٹریناں 8 وجے ہی بھر گئیاں سن جنہاں وچ ہزاراں لوگ موجود سن، سندھ دے حکمراناں نے جیہڑا مارچ کیتا سی اوس وچ لوکاں نوں پیسے دتے گئے سن اوس دے بعد لوگ شامل ہوئے،تُسی ساڈھیاں نمائندیاں نوں الیکشن وچ جتا کے ویکھو اسیںتہاڈاشہرخوبصورت بنا دیاںگے۔