پاکستان وچ سرمایہ کاری دے بے پناہ موقع موجود نیں،وزیرخارجہ

بشکیک( پنجابی میڈیا گروپ))نگران وزیر خارجہ جلیل عباس جیلانی نے آکھیا کہ پاکستان وچ سرمایہ کاری دے بے پناہ مواقع موجود نیں، سی پیک علاقائی ترقی وچ اہم کردار ادا کر رہیا اے۔بشکیک وچ شنگھائی تعاون تنظیم دے اجلاس نال خطاب کردیاں ہویاں جلیل عباس جیلانی دا کہنا سی کہ پاکستان ایس سی او وچ اپنا بھرپور کردار ادا کردا رہے گا، ایران نوںمکمل ممبر دے طور اُتے ایس سی او وچ شامل کیتا گیا اے۔اونہاں اکھیا کہ ایس سی او فورم معاشی چیلنجاں توں نمٹن، معیشت دی بحالی تے امن لئی اہم کردارادا کر رہیا اے، اوس دے ممبراں کان کنی، آئی ٹی، توانائی دے شعبیاں وچ سرمایہ کاری کرسکدے نیں۔جلیل عباس جیلانی دا ہور کہنا سی کہ پاکستان وچ سرمایہ کاری دے بے پناہ مواقع موجود نیں، سی پیک علاقائی ترقی وچ اہم کردار ادا کر رہیا اے، ایس منصوبے نال ایس سی او ملکاں دے رابطیاں نوں فروغ ملے گا،ساہنوں ہر میدان وچ اک دُوجیاں دے تجربیاں توں فائدہ چُکنا ہوئے گا۔