اسرائیلی بمباری فوری طور اُتے بند کیتی جائے،پاکستان

اسلام آباد( پنجابی میڈیا گروپ)پاکستان ولوں مطالبہ کیتا گیا اے کہ اسرائیلی بمباری فوری طور اُتے بند تے غزہ دا محاصرہ ختم کیتا جائے۔ہفتہ وار بریفنگ دوران ترجمان دفتر خارجہ ممتاز زہرا بلوچ نے آکھیا اے کہ فلسطین دی صورتحال اُتے پاکستان نوں سخت تشویش اے، 6000 توں وَدھ فلسطینی شہادتاں اُتے تعزیت کردے نیں۔ترجمان دفترخارجہ نے آکھیا کہ یو این سکیورٹی کونسل فلسطینیاں اُتے مظالم بند کران وچ مکمل نکام رہیاں اے، اسرائیل دی حمایت کرن والے جنگ بندی وچ کردار ادا کرن، ابتدائی طور اُتے عزہ وچ غیرمشروط سیز فائر ہویا، اسرائیلی بمباری فوری طور اُتے بند تے غزہ دا محاصرہ ختم کیتا جائے۔ممتاز زہرا بلوچ دا کہنا سی کہ سکیورٹی کونسل دی نکامی بعد اقوام متحدہ جنرل اسمبلی توں امیداں نیں، اج جنرل اسمبلی دا ہنگامی اجلاس ہو رہیا اے۔ترجمان دفترخارجہ نے ہور آکھیاکہ غیر قنونی وَسن والیاں نوں کَڈن دا فیصلہ ملکی سلامتی لئی کیتا گیا، یکم نومبر توں غیر قنونی وَسن والیاں دے خلاف پلان ایکشن وچ آجائے گا۔