آل پاکستان مسلم لیگ نے پارٹی رجسٹریشن منسوخی دا فیصلہ چیلنج کردتا

اسلام آباد(بیوروپورٹ)آل پاکستان مسلم لیگ نے پارٹی رجسٹریشن منسوخی دا فیصلہ سپریم کورٹ وچ چیلنج کر د تا۔عدالت عظمی وچ دائر درخواست وچ آکھیا گیا کہ الیکشن کمیشن نے اپنے آئینی و قنونی مینڈیٹ توں تجاوز کیتا، آئی پی پی تے جہانگیر ترین نوں نوازنے لئی انتخابی نشان واپس لئیا۔دائر درخواست وچ موقف اختیار کیتا گیا اے کہ سیاسی جماعتاں دے اندرونی معاملات وچ مداخلت الیکشن کمیشن دااختیار نہیں، الیکشن کمیشن سیاسی جماعتاں دے انٹرا پارٹی الیکشن دے تنازعاں اُتے فیصلہ نہیں کر سکدا۔اے پی ایم ایل ولوں دائر درخواست وچ استدعا کیتی گئی اے کہ الیکشن کمیشن دا فیصلہ کالعدم قرار دیندے ہویاں رجسٹریشن بحال تے ساڈا الیکشن نشان عقاب ساہنوں واپس کیتا جائے۔یاد رہے کہ الیکشن کمیشن نے آئی پی پی دی درخواست اُتے محفوظ فیصلہ سناندیاں ہویاں استحکام پاکستان پارٹی نوں انتخابی نشان عقاب الاٹ کیتا اے۔