حماس اسرائیل نال قیدیاں دے فوری تبادلے لئی تیار

غزہ( پنجابی میڈیا گروپ)غزہ وچ فلسطینی مزاحمتی تنظیم حماس دے عسکری ونگ القسام بریگیڈ دے سربراہ یحیی سنوردا کہنا اے کہ اسرائیل دے نال فوری قیدیاں دے تبادلے لئی تیار نیں۔عرب میڈیا مطابق سنوار نے اک بیان وچ آکھیا اے کہ اسیں قیدیاں دے تبادلے دا اک فوری معاہدہ کرن لئی تیار ہاں جس وچ فلسطینی مزاحمت ہتھوں قید ساریاں قیدیاں بدلے اسرائیلی جیلاں توں سارے فلسطینی قیدیاں دی رہائی شامل اے۔ایس توں پہلاں حماس دے مسلح ونگ نے آکھیا سی کہ اگر اسرائیل اپنیاں جیلاں وچ قید تمام فلسطینیاں نوں رہا کر دیوے تے اوہ اینہاں اسرائیلی یرغمالیاں نوں رہا کرن لئی تیار اے جیہڑا7اکتوبردے غیر متوقع حملے دوران قیدی بنائے گئے ۔القسام بریگیڈز دے ترجمان ابو عبیدہ نے وی اک بیان وچ آکھیا کہ ساڈھے ہتھاں وچ دشمن دے یرغمالیاں دی وڈھی تعداد دی ادائیگی دی قیمت اسرائیل دی جیل توں سارے فلسطینی قیدیاں نوں خالی کرنا اے۔اونہاں نے آکھیا کہ اگر دشمن اک ہی وَار وچ ایسطرح کرنا چاہندا اے اسیں تیار ہاں تے اگر اوہ مرحلہ وار کرنا چاہندا اے تے فیروی اسیں تیار ہاں۔