وادی نیلم :غلطی نال بھارتی سرحد پار کرن والے نوجوان دے والد دا بیان سامنے آگیا

راولپنڈی ( پنجابی میڈیا گروپ)وادی نیلم وچ غلطی نال بھارتی سرحد پارکرن والے لاپتہ نوجوان محمد فیض دے والد چوہدری منگٹا نے بھارتی فوج دی بھونڈی سازش بے نقاب کردتی26اکتوبر2023 نوں وادی نیلم دی گریس ویلی ساناڑ توں 5 نوجوان جڑی بوٹی دی تلاش وچ لاپتہ ہو گئے سن،جس وچ شامل محمد فیض دے والد چوہدری منگٹا دا کہنا اے کہ”میرا بیٹا جنگل توں جڑی بوٹی کَڈ کے اپنے بالاںدا پیٹ پالدا سی، میرا بیٹامحمد فیض اَتگرد نہیں سی، بھارتی فوج دا غلطی نال سرحد پار کرن والے معصوم مزدوراں داقتل کوئی نویں گل نہیں، بھارتی فوج ماضی وچ وی ایس طرح دی بھونڈی حرکتاں کرچکی اے، محمد فیض دے 5بال نیں تے اوہ انتہائی مخلص انسان سی مگر مکار دشمن بھارت نے اوس نوں اَت گرد قرار دے کے شہید کردتا اے”