شہبازشریف دی ترکی عوام نوں جمہوریہ دے100وَرھے مکمل ہون اُتے مبارکباد

لہور( پنجابی میڈیا گروپ)پاکستان مسلم لیگ(ن)دے صدر و سابق وزیراعظم شہبازشریف نے ترکی عوام نوں جمہوریہ دے قیام دے100وَرھے مکمل ہون اُتے مبارکباد پیش کیتی اے۔سابق وزیراعظم شہبازشریف دا سماجی رابطے دی ویب سائٹ ایکس اُتے اپنے پیغام وچ آکھیا کہ اپنے بھائی رجب طیب اردگان تے ترکی عوام نوں جمہوریہ دے 100وَرھے مکمل ہون اُتے مبارکباد پیش کردا ہاں۔شہباز شریف نے اپنے پیغام وچ آکھیا کہ اج اسیں مختلف شعبیاں وچ ترکی دی بھرپور کامیابیاں تے ترقی دی خوشیاں منا رہے نیں، اسیں ویکھیا کہ اینہاں100ورھیاں دوران ترکی دے ساڈھے بھائی، بہناں کئی آزمائشاں تے امتحاناں توں لنگے، وڈھے وَڈھے بحران اونہاں نوں اگے ودھن توں روک نہیں سکے تے اونہاں دے پختہ عزم نے مشکلاں نون مواقع وچ بدل دتا۔سابق وزیراعظم نے ہور آکھیا کہ عالمی سطح اُتے شدید اضطرابی محول وچ بالخصوص جمہوری وخوش حال ترکیہ خطے تے اسلامی دنیا دے استحکام دا اہم سبب اے، سانجھی تریخ وعقیدے اُتے مبنی ساڈھا بھائی چارہ واضح کردا اے کہ پاکستان تے ترکی اک قوم نیں جیہڑیاں 2 ریاستاں وچ آبادنیں۔