پاک ترک دوستی محبتاں دی بے مثال داستان اے،محسن نقوی

لہور( پنجابی میڈیا گروپ)نگران وزیراعلی پنجاب محسن نقوی نے ترکی دے100ویں قومی دن اُتے پیغام وچ آکھیاکہ پاک ترک دوستی محبتاں دی بے مثال داستان اے۔نگران وزیراعلی پنجاب نے اپنے پیغام وچ آکھیا کہ ترکی دے قومی دن اُتے ترکی دی قیادت تے عوام نوں دلی مبارکباد پیش کردا ہاں، ترکی دے رپبلک ڈے دا100واں جنم دیہاڑ پاکستانیاں لئی بے حد خوشی دا باعث اے، ترکیہ عالمی منظر نامہ اُتے اک اہم اسلامی ملک اے،ایس دی ترقی لئی ترکی دی عوام تے قیادت دی محنت قابل ستائش اے ۔وزیراعلی محسن نقوی نے ہور آکھیا کہ ترکیہ تے پاکستان اک دُوجے دی ہر مشکل گھڑی وچ امداد تے تعاون لئی شانہ بشانہ کھڑے رہندے نیں تے کھڑے رہن گے، پاکستان تے ترکی دا رشتہ محبت، بھائی چارے، اعتماد تے پارٹنرشپ دا خوبصورت امتزاج اے۔محسن نقوی داکہنا سی کہ اوہ پاکستان تے ترکی دی باہمی شراکت داری تے بھائی چارے دے ودھا لئی کوشاں نیں، پنجاب وچ ترکی دے مختلف اداریاں دیاں شاندار خدمتاں نوں سراہندے نیں، پاکستان تے ترکی اسلامی برادر مالک نیں، ساڈھی ثقافت، تریخ تے تہذیب اک جہی اے، ایس لئی ساڈھی دوستی مثالی اے، ترکی دی عوام دے روشن مستقبل تے پاک ترکی دوستی دی مزید مضبوطی لئی دعا گو ہاں۔