18 وَرھیاں بعد سبی ہرنائی ٹرین سروس بحال

کوئٹہ(پنجابی میڈیا گروپ)100وَرھیاں بعد سبی ہرنائی ٹرین سروس بحال کردتی گئی ، نگران وزیر اعلی بلوچستان علی مردان ڈومکی نے سبی ہرنائی ٹرین دا باضابطہ افتتاح کر دتا۔سبی ہرنائی ٹرین سروس دی بحالی لئی سبی ریلوے اسٹیشن اُتے افتتاحی تقریب دا انعقادکیتا گیا، افتتاحی تقریب وچ وفاقی وزیر ریلوے شاہد اشرف تارڑ ، ڈی آئی جی سبی ڈی ایس ریلوے بلوچستان تے معتبرین نے رَلت کیتی۔سبی تا ہرنائی ٹرین سروس بحالی دی افتتاحی تقریب نال خطاب کردیاں ہویاں نگراں وزیرِ اعلی بلوچستان علی مردان ڈومکی نے آکھیا کہ لمبی مدت توں بند سبی، ہرنائی سیکشن نوں دوبارہ توں کھولیا گیا اے۔علی مردان ڈومکی دا کہنا اے کہ ریلوے ٹریک فروری 2006 وچ بند ہویا سی عوام نوں مشکلاں دا سامنا سی، نگراں حکومت نوں اعزاز حاصل اے کہ 18ورھیاں بعد ٹرین سروس بحال کیتی۔اونہاں نے آکھیا کہ25دسمبر نوں بولان میل وی بحال کردتی جائے گی، دُوجے مرحلے وچ نواب اکبر خان بگٹی ایکسپریس بحال کیتی جائے گی۔