پمزتے پولی کلینک دی سربراہی لئی پاک فوج توں تعیناتیاں دافیصلہ

اسلام آباد(پنجابی میڈیا گروپ)اسلام آباد دے 2 وڈھے اسپتالاں پمز تے پولی کلینک دی سربراہی لئی پاک فوج توں تعیناتیاں دا فیصلہ کیتا گیا۔وفاقی وزارت صحت نے ایس حوالے نال وزارت دفاع نوں خط لکھ کے فوج توں2افسران دے نام مَنگ لئے۔وزارت نیشنل ہیلتھ سروسز دے سیکشن افسر محمد بلال خان نے سیکرٹری وزارت دفاع نوں لکھے خط وچ آکھیا کہ کوئی قابل افسر دستیاب نہ ہون پاروں پاکستان انسٹی ٹیوٹ آف میڈیکل سائنسز پمز تے فیڈرل گورنمنٹ پولی کلینک اسپتال وچ ایگزیکٹو ڈائریکٹر دی21گریڈ دے عہدے خالی پئے نیں۔خط وچ ہور آکھیا گیا کہ ایہ دونوں اہم اسپتال نیں جنہاں نوںکسی قابل سربراہ دے بغیر نہیں چھڈیا جاسکدا، لہذا اینہاں آسامیاں نوں پُر کرن لئی آرمی میڈیکل کور توں عبوری طور اُتے افسران درکارنیں، تہاڈے توں ایہہ درخواست اے کہ 3ورھیاں لئی ڈیپوٹیشن اُتے اسپتال نوں چلان والے 2قابل مینجراں دی دستیابی توں آگاہ کرن، ایہ خط سیکرٹری وزارت صحت دی منظوری توںجاری کیتا گیا اے۔