خیرپور: باراتیاں دی کشتی دریا وچ الٹن نال11افراد ڈوب گئے

خیرپور(پنجابی میڈیا گروپ)باراتیاں نال بھری کشتی دریا وچ الٹن نال11 افراد ڈوب گئے، مقامی افراد نے 5افرادنوں زندہ کڈ لیا جد کہ باقیاں دی تلاش جاری اے۔میڈیا دے مطابق خیرپور نارا دے نواحی علاقے وچ واقع گائوں چمڑ جمال دین شر دے رہائشی اڈوئی پتن توں کشتی اتے سوار ہو کے ویاہ وچ رلت لئی جارہے سن کہ ایس دوران دریا نارہ وچ کشتی الٹ گئی۔پلس دے مطابق کشتی اتے11افراد سوار سن جیہڑے کہ رشتے داراں دے ویاہ دی تقریب وچ جارہے سن، اہل علاقہ نے مقامی افراد ولوں5بندیاں نوں زندہ کڈ لیا باقی لوکاں دی تلاش جاری اے۔اج صبح ضلع خیرپور گائوں جمال دین شر وچ افسوس ناک واقعہ پیش آیا، جد کشتی ذریعے 11 افراد دوجے گائوں ویاہ وچ رلت کرن جا رہے سن، وزن ودھ جان نال کشتی دریا دے ویچ ڈب گئی، جس وچوں5افراد نوں مقامی لوکاں نے بچا لیا جدکہ 7افراد ڈب گئے۔پلس دے مطابق لاپتا افراد وچ راجا، بخش علی، دادو معروف، سالک علی تے ہور شامل نیں، کشتی وچ گنجائش توں ودھ افراد سوار ہون اتے ایہ واقعہ پیش آیا۔