شیری رحمان دا گیس دی قیمت ودھن اتے شدید تشویش

اسلام آباد(پنجابی میڈیا گروپ)نائب صدر پیپلزپارٹی سینیٹر شیری رحمان نے گیس دی قیمت ودھن اتے شدید تشویش دا اظہار کیتا۔شیری رحمان نے آکھیا کہ گیس دی قیمت ودھن دی مذمت کردے ہاں، ماہانہ0.25 توں0.9مکعب میٹر تک گیس استعمال کرن والے صارفین لئی فکسڈ چارجز 10روپے توںودھا کے4سو روپے 3900فیصد دتے گئے نیں، اوس دے علاوہ گھریلو صارفین لئی گیس دی قیمت ہور172 فیصد تک ودھا دتی گئی اے۔نائب صدر پیپلزپارٹی نے آکھیاکہ موجودہ مہنگائی وچ نگران حکومت نوں عوام اتے اینہاں بوجھ نہیں پانا چاہیدا سی، نگران وزیر پہلے ہی گھریلو صارفین لئی موسم سرما وچ16 گھنٹے گیس لوڈ شیڈنگ دا اعلان کر چکے نیں، جد صارفین نوں گیس ہی میسر نہیں تے قیمتاں وچ ایہ ہوشربا اضافہ کیوں؟