نیب ترمیم کیس دا فیصلہ معطل کرن دی فاروق ایچ نائیک دی درخواست مسترد

اسلام آباد(پنجابی میڈیا گروپ)سپریم کورٹ نے نیب ترمیم کیس دا فیصلہ معطل کرن دی فاروق ایچ نائیک دی درخواست مسترد کردیاں ہویاں پریکٹس اینڈ پروسیجر کیس دا تفصیلی فیصلہ آن تک سماعت ملتوی کر دتی۔ اج دی سماعت دے حکمنامے وچ سپریم کورٹ نے احتساب عدالتاں نوں آئندہ سماعت تک حتمی فیصلے توں روک دتا، عدالت نے قرار دتا کہ ایس سماعت تک احتساب عدالتاں حتمی فیصلہ نہ سنان۔سپریم کورٹ نے آکھیا کہ ایہ مناسب اے کہ پریکٹس اینڈ پروسیجر قنون دے تفصیلی فیصلے بعد نیب انٹرا کورٹ اپیل سماعت لئی مقرر کیتی جائے، ایہ عدالت فیصلہ کر چکی اے کہ پریکٹس اینڈ پروسیجر کیس دا اجے تفصیلی فیصلہ لکھیا نہیں گیا۔حکمنامے مطابق عدالت نوں دسیا گیا کہ 21 اپریل توں پریکٹس اینڈ پروسیجر قنون دا اطلاق کیتا گیا، عدالت نوں دسیا گیا کہ نیب ترمیم دے 3 رکنی بینچ نے 15 ستمبر نوں فیصلہ دتا، مخدوم علی خان دے معاون وکیل نے آکھیا کہ نیب ترمیم کیس نوں5 رکنی لارجر بینچ نوں سننا چاہیدا سی، فاروق ایچ نائیک نے آکھیا اونہاں نوں سنیو بنا فیصلہ دتا گیا۔نیب ترمیم فیصلے خلاف انٹرا کورٹ اپیل اتے سماعت چیف جسٹس قاضی فائز عیسی دی سربراہی وچ سپریم کورٹ دے لارجر بینچ نے کیتی۔دوران سماعت اٹارنی جنرل روسٹرم اتے آئے اور آکھیا کہ وکیل مخدوم علی خان بیرون ملک نیں، مخدوم علی خان نے التوا دی درخواست دتی اے، جسٹس اطہر من اللہ نے آکھیا کہ پریکٹس اینڈ پروسیجر تحت نیب ترمیم کیس 5 رکنی بینچ نوں ہی سننا چاہیدا سی، پریکٹس اینڈ پروسیجر بل معطل ہویا سی، ایکٹ کدی معطل نہیں ہویا۔چیف جسٹس نے آکھیا کہ اجے پریکٹس اینڈ پروسیجر کیس دا تفصیلی فیصلہ نہیں آیا، ہوسکدا اے ایس فیصلے وچ ایس نکتے اتے وی فیصلہ موجود اے، ایسی صورت وچ اسیں ایس کیس نوں اج نہیں چلا سکدے، ٹرائل کورٹ دے جج اتے تشریحیاں دا بوجھ نہیں پانا چاہندے، ٹرائل کورٹ دے جج نوں صرف ٹرائل تک رکھنا چاہیدا۔بعدوچ عدالت نے حکمنامہ جاری کردیاں ہویاں پریکٹس اینڈ پروسیجر ایکٹ تفصیلی فیصلہ آن تک کیس دی سماعت ملتوی کر دتی۔