افغانیاں نوں بلیک میل تے اونہاں دیاں جائیداداں اتے قبضہ کیتا جارہیا اے، فضل الرحمان

لہور(پنجابی میڈیا گروپ)جے یو آئی دے سربراہ مولانا فضل الرحمان نے آکھیا اے کہ افغانیاں نوں بلیک میل تے اونہاں دیاں جائیداداں اتے قبضہ کیتا جارہیا اے۔میڈیا دے مطابق افغان مہاجرین دی واپسی دی ڈیڈ لائن دے معاملے اتے جے یو آئی دے سربراہ مولانا فضل الرحمان نے اپنے بیان وچ آکھیا اے کہ افغان مہاجرین دو طرفہ مسئلہ اے ایس معاملے وچ افغان حکومت نال مذاکرات کیتے جان، افغان حکومت نوں اعتماد میں لے کے اونہاں دی واپسی دا طریقہ کار طے کیتا جائے۔مولانا فضل الرحمان نے آکھیا کہ غیر قنونی دی آڑ وچ قنونی طور اتے رہن والے افغانیاں نوں وی بلیک میل کیتا جارہیا اے، مقامی انتظامیہ تے بااثر لوگ قنونی طوراتے رہن والے افغانیاں نوں وی بلیک میل کرن وچ لگے ہوئے نیں، اونہاں دیاں جائیداداں اتے قبضہ کرن لئی ظالمانہ رویہ اپنایا جارہیا اے۔اونہاں نے آکھیا کہ ایس طرح دے اقدام نال پڑوسی ملک دے نال تعلقات اتے منفی اثرات مرتب ہون گے، دوطرفہ مذاکرات دے مسئلے نوں سنجیدگی نال حل کیتا جائے۔