800توں ودھ پروازاں منسوخ ہون دے بعد پی آئی اے آپریشن بحال ہون لگیا

کراچی(پنجابی میڈیا گروپ)قومی ائرلائن دا فضائی آپریشن800 توں ودھ پروازاں منسوخ ہون دے بعدہن بحالی ول گامزن اے۔پی آئی اے دی اج مجموعی طور اتے 45پروازاں آپریٹ کیتیاں جان گیاں۔ قومی ائرلائن دا فلائٹ آپریشن بہتری ول گامزن ہو چکیا اے، جس دے مطابق اج آپریٹ کیتی جان والیاں پروازاں وچ بیشتر تعداد بین الاقوامی فلائٹاں دی اے ۔ذرائع مطابق اج چھوٹے سیکٹر دیاں پروازاں دی روانگی وی ممکن بنائی جارہی اے ۔ اندرون ملک دے دورافتادہ مقامات گلگت تے اسکردو دیاں پروازاں وی اج آپریٹ کیتیاں جان گیاں۔ ایس دے علاوہ 8دناں بعد کراچی توں کوئٹہ دیاں پروازاں وی اج بحال ہو رہیاں نیں۔ایس توں پہلاں ایندھن تے مالی بحران پاروں پی آئی اے دیاں800 توں ودھ پروازاں منسوخ ہو چکیاں نیں، جس نال قومی ائرلائن نوں10 ارب روپے دا نقصان ہو چکیا اے۔