آئی ایم ایف دی پاکستان نوں سارے اہداف اتے سختی نال عمل دی تلقین

اسلام آباد(پنجابی میڈیا گروپ)عالمی مالیاتی فنڈ تے پاکستان دے وچکاراقتصادی جائزہ مذاکرات دا آغاز ہوگیا اے۔آئی ایم ایف وفد پاکستانی معاشی ٹیم نال مذاکرات لئی وزارت خزانہ پہنچیا، آئی ایم ایف مشن دے نال معاشی ٹیم داتعارفی سیشن ہویا، تعارفی سیشن وچ گورنر سٹیٹ بینک تے معاشی ٹیم نے رلت کیتی، مشن نوں ابتدائی طوراتے اہداف اتے عملدرآمد رپورٹ پیش کر دتی گئی۔ذرائع مطابق آئی ایم ایف وفد دا کہنا سی کہ آئی ایم ایف وفد نے پاکستان دی معاشی ٹیم دے اقدامات نوں سراہیا لیکن نال ایہ وی آکھیا کہ پاکستان نوں سارے اہداف اتے سختی نال عملدرآمد کرنا اے۔نگران وزیر خزانہ نے دسیا کہ قرض پروگرام تحت سارے اہداف اتے عملدرآمد ہو رہیا اے، قرض پروگرام وچ رہندیاں ہویاں سارے اہداف اتے عملدرآمد کراں گے، اقتصادی جائزے تک آئی ایم ایف دیاں ساریاں شرطاں اتے عملدرآمد ہو چکیا۔آئی ایم ایف مشن تے معاشی ٹیم دے وچکار تکنیکی سطح اتے مذاکرات کجھ دیر بعد ہون گے۔