اقوام متحدہ دی سلامتی کونسل غزہ وچ امن دے قیام لئی ذمہ داری پوری کرے،پاکستان

اسلام آباد(پنجابی میڈیا گروپ)پاکستان نے اقوام متحدہ دی سلامتی کونسل اتے زوردتا اے کہ اوہ غزہ وچ امن دے قیام لئی ذمہ داری پوری کرے۔ترجمان دفتر خارجہ ممتاز زہرا بلوچ نے ہفتہ وار بریفنگ دوران آکھیا اے کہ اسرائیل دی قابض فوج فلسطین وچ جنگی جرائم کر رہی اے، پاکستان نوں فلسطین دی صورتحال اتے تشویش اے۔اونہاں نے آکھیا اے کہ پچھلے دناں سینیٹ اجلاس وچ فلسطینیاں اتے ہون والے ظلم خلاف قرارداد منظور کیتی گئی، اقوام متحدہ دی سلامتی کونسل امن دے قیام لئی اپنی ذمہ داری پوری کرے۔ترجمان دفتر خارجہ دے مطابق نگران وزیر اعظم انوار الحق کاکڑ 8توں9نومبر والے دن نوں تاشقند وچ ہون والی ای سی او سمٹ وچ رلت کرن گے۔ممتاز زہرا بلوچ نے ہور آکھیا اے کہ اینہاں غیر ملکیاں نوں واپس گھلیاجارہیا اے جیہڑے ایمیگریشن قنون دی خلاف ورزی کر رہے نیں، تیجے ملک منتقل ہون والے افغان مہاجرین دے معاملے اتے متعلقہ ملکاں نال گل بات جاری اے، ایسے ملکاں دی تعداد درجن توں اتے اے، اینہاں ملکاں ولوں فہرستاں پاکستان نوں گھلیاں گئیاں نیں۔