ملک وچ غیرقنونی وسن والیاں خلاف آپریشن، کئی افراد زیرحراست

اسلام آباد/کراچی(پنجابی میڈیا گروپ)حکومتی ڈیڈلائن ختم ہون دے بعد غیرقنونی تارکین وطن خلاف کارروائیاں دا سلسلہ جاری اے، مختلف شہراں توں کئی افراد نوں زیر حراست لیا گیا اے۔کراچی وچ پلس نے غیر قنونی وسن والیاں خلاف سائٹ سپر ہائی وے احسن آباد یثرب گوٹھ وچ آپریشن کیتا تے گھر گھر تلاشی دوران50 توں ودھ افراد نوں حراست میں لے لیا گیا۔خیال رہے کہ پچھلے دن وی کراچی توں غیرقنونی وسن والیاں خلاف کارروائی وچ3 سو توں ودھ افراد نوں گرفتارکیتا گیا سی۔ادھر اسلام آباد وچ غیر قنونی طور اتے وسن والیاں خلاف ضلعی انتظامیہ تے پلس داآپریشن جاری اے۔ڈی سی اسلام آباد عرفان نواز میمن نے آکھیا کہ بغیر دستاویز ہور19افراد ڈیپورٹ کردتے،اسلام آباد توں ڈیپورٹ ہون والیاںں دی تعداد83ہوگئی، ملک بھر وچ رضا کارانہ طوراتے1لکھ40 ہزار 322 غیر ملکی واپس جا چکے نیں۔