شاہ محمود قریشی دی جیل وچ طبیعت خراب، ہسپتال منتقل کرن دی اجازت

راولپنڈی(پنجابی میڈیا گروپ)پاکستان تحریک انصاف دے وائس چیئرمین تے سابق وزیر خارجہ شاہ محمود قریشی دی جیل وچ اچانک طبیعت خراب ہوگئی۔وائس چیئرمین پی ٹی آئی شاہ محمود قریشی دی اڈیالہ جیل وچ طبیعت خراب ہوئی جس دے بعد جیل انتظامیہ ولوں خصوصی عدالت دے جج ابوالحسنات ذوالقرنین نال اونہاں نوں ہسپتال منتقل کرن دی اجازت منگی گئی۔جیل انتظامیہ ولوں جج ابوالحسنات ذوالقرنین توں درخواست کیتی گئی کہ شاہ محمود قریشی دے ٹیسٹ کرانے نیں، جیل ڈاکٹر دی ایڈوائس اتے اونہاں نوں پمز ہسپتال منتقل کرن دی اجازت دتی جائے۔جج ابوالحسنات ذوالقرنین نے جیل انتظامیہ دی درخواست اتے پی ٹی آئی رہنما شاہ محمود قریشی نوں ہسپتال منتقل کرن دی اجازت دے دتی۔یاد رہے کہ سابق وزیر خارجہ شاہ محمود قریشی سائفر کیس وچ گرفتاری بعد راولپنڈی دی اڈیالہ جیل وچ قید نیں۔