پارک لین ریفرنس: آصف زرداری احتساب عدالت طلب

اسلام آباد(پنجابی میڈیا گروپ)اسلام آباد دی احتساب عدالت نے پارک لین ریفرنس وچ سابق صدر پاکستان آصف علی زرداری تے ہوراں نوں طلبی دے نوٹس جاری کردتے۔احتساب عدالت دے جج محمد بشیر نے سابق صدر آصف زرداری سنے ہوراںخلاف پارک لین ریفرنس اتے سماعت کیتی۔دوران سماعت وکیل صفائی ارشد تبریز نے موقف اختیار کیتا کہ جد معاہدہ ہویا تد آصف علی زرداری پارک لین دے ڈائریکٹر نہیں سن جس اتے عدالت نے آکھیا کہ اجے نوٹس جاری کردے ہاں باقی بعد وچ دس دیون۔عدالت نے آصف علی زرداری سنے19ملزماں نوں طلبی دے نوٹس جاری کیتے، باقی ملزماں وچ محمد اقبال، یونس قدوائی، اقبال خان نوری، حسین لوائی، عبدالغنی مجید، خواجہ انور مجید تے ایم فاروق عبداللہ شامل نیں۔اسلام آباد دی احتساب عدالت نے ملزماں نوں طلبی دے نوٹس جاری کردیاں ہویاں کیس دی ہور سماعت 20دسمبر تک ملتوی کردتی۔