ملکی خوشحالی لئی اقبال دے فلسفہ خودی اُتے عمل دی لوڑاے،محسن نقوی

لہور( پنجابی میڈیا گروپ)نگران وزیراعلی پنجاب محسن نقوی نے آکھیا اے کہ پاکستان نوں خوشحال ملک بنان لئی ساہنوں علامہ اقبال دے فلسفہ ’’خودی‘ اُتے عمل کرن دی لوڑ اے۔یوم اقبالؒ اُتے اپنے خصوصی پیغام وچ وزیر اعلی پنجاب محسن نقوی نے آکھیا کہ علامہ اقبال نے برصغیر پاک و ہند دے مسلماناں لئی وَکھ وطن دا تصور پیش کیتا تے قائد اعظمؒ نے ایہ خواب حقیقت وچ بدلیا، علامہ اقبالؒ نے اپنی شاعری ذریعے مسلماناں وچ اتحاددا جذبہ بیدار کیتا تے انقلابی روح پھونکی۔محسن نقوی دا کہنا سی کہ علامہ محمد اقبالؒ نے اپنی شاعری ذریعے خود داری دا درس دتا، علامہ اقبالؒ نوجواناں لئی ذہنی مصلح تے اک رہبر ونگوں نیں، پاکستان نوں خوشحال ملک بنان لئی ساہنوں علامہ اقبالؒ دے فلسفہ خودی اُتے عمل کرن دی لوڑ اے۔