فرح گوگی دے3ارب82کروڑ دے خفیہ اثاثیاں دی تفصیل منظر عام اُتے آگئی

اسلام آباد( پنجابی میڈیا گروپ)عمران خان دی فرنٹ پرسن فرحت شہزادی عرف فرح گوگی دے ظاہری تے غیرظاہری اثاثیاں وچ 2017 توں2020 تک 4 ارب 52 کروڑ روپے دا حیرت انگیز ودھا ہویا، فرح گوگی نے 2020 وچ 95 کروڑ روپے دے اثاثیاں نوں تسلیم کیتا مگر اوس توں ہٹ کے اونہاں دے غیر ظاہری مگر ملکیتی اثاثے 3 ارب 82 کروڑ روپے نیں۔میڈیا دے مطابق پی ٹی آئی دے 3سالہ دور حکومتی کرپشن دی داستان سامنے آگئی، عمران خان دی فرنٹ پرسن فرحت شہزادی عرف فرح گوگی دے ظاہری تے غیرظاہری اثاثیاں وچ 2017 توں 2020 تک 4 ارب 52 کروڑ روپے دا حیرت انگیزودھا ہویا۔ فرح گوگی 2020 وچ 95 کروڑ روپے دے اثاثیاں نوں خود تسلیم کردی اے جدکہ اوس دے علاوہ اونہاں دے غیر ظاہری مگر ملکیتی اثاثے 3 ارب 82 کروڑ روپے نیں۔صرف 3 ورھیاں دے دوران فرح گوگی دے ظاہری اثاثیاں وچ420فیصد جدکہ غیر ظاہری اثاثیاں وچ15300 فیصد ودھا ہویا، ایتھے ایہ گل قابل ذکر اے کہ ایہ اثاثے فرح گوگی دی ذاتی ملکیت نیںجدکہ احسن جمیل گجر تے باقی رشتہ داراں تے حصہ داراں دے اثاثے وَکھ نیں۔