الیکشن شفاف نہ ہوئے تے الیکشن نوں کوئی نہیں مَنے گا،بیرسٹرگوہر

اسلام آباد(پنجابی میڈیاگروپ)پاکستان تحریک انصاف دے سابق چیئرمین بیرسٹر گوہر نے آکھیا اے کہ الیکشن شفاف نہ ہوئے تے اونہاں نوں کوئی نہیں منے گا۔اسلام آباد وچ میڈیا نال گل بات کردیاں ہویاں اونہاںنے آکھیاکہ جمہوریت دا تقاضہ اے کہ ہر سیاسی جماعت دا انتخابی نشان ہوئے، ساہنوں سپریم کورٹ توں امید اے، اسیں بہترین انٹرا پارٹی الیکشن کرائے سن۔اونہاں نے آکھیا کہ الیکشن شفاف نہ ہوئے تے الیکشن نوں کوئی نہیں منے گا، الیکشن کمیشن نوں شفاف الیکشن لئی احکامات دتے جان۔بیرسٹر گوہر نے آکھیاکہ اُمید اے سپریم کورٹ جمہوریت نوں بچائے گی،الیکشن کمیشن نے کَدی ایس طرح سیاسی جماعت توں انتخابی نشان نہیں لیا، ساہنوں عدلیہ توں ریلیف وی ملیا اے، بدترین حالات وچ انٹراپارٹی الیکشن کرائے سن، اُمید اے کہ عدالت ساڈھے انتخابی نشان نوںبحال رکھے گی۔اونہاں نے دسیا کہ ساہنوں عدلیہ توں ریلیف وی ملیا اے، جنہے شفاف انٹراپارٹی الیکشن اسیں کرائے کسی نے نہیں کرائے، جسٹس اعجاز الاحسن،جسٹس مظاہر دے استعفیاں اُتے افسوس ہویا، ایہ ہرکوشش کررہے نیں، آئوٹ آف کریز وی جارہے نیں۔