استعفیاں نال سپریم کورٹ وچ کوئی بحران پیدا نہیں آئے گا،خواجہ آصف

اسلام آباد(پنجابی میڈیاگروپ) پاکستان مسلم لیگ (ن) دے سینئر رہنما و سابق وفاقی وزیر خواجہ آصف نے آکھیا اے کہ استعفیاں نال سپریم کورٹ وچ کوئی بحران پیدا نہیں ہوئے گا تے سنیا اے اک ہور جج وی استعفیٰ دین جارہے نیں۔2دناں وچ سپریم کورٹ دے 2 ججاں ولوں استعفیاں اُتے ردعمل دیندیاں خواجہ آصف نے آکھیا کہ استعفیاں نال سپریم کورٹ وچ کوئی بحران پیدا نہیں ہوئے گا،جنہاں نے کل استعفی دتا اوہ ٹرک والے مشہور سن، سنیا اے اک ہور جج وی استعفی دین جارہے نیں ،اونہاں نے آکھیا کہ اسیں یوٹیلیٹی بل تک خود دیندے ہاں ججاں نوں سب کجھ فری اے، اج تک غلط فیصلہ دین اُتے کسی جج نے استعفیٰ نہیں دتا، اگر عدلیہ کمپرومائزڈ ہوئے گی تے انصاف کسطرح ہوئے گا۔