پاکستان وچ ساڈھی حکومت ہُندی تے اسرائیل 1 گولی وی نہ چلا سکدا،سراج الحق

ہری پور(پنجابی میڈیاگروپ)امیر جماعت اسلامی سراج الحق نے آکھیا کہ اگر پاکستان وچ ساڈھی حکومت ہُندی تے اسرائیل اک گولی وی نہیں چلا سکدا سی۔ہری پور وط چ خطاب کردیاں ہویاں سراج الحق دا کہنا سی کہ فلسطین دے حالات سب دے سامنے نیں، بال زندہ سڑ رہے نیں، مسجد اقصی ساہنوں پکار رہی اے لیکن اسلام آباد والیاں نے ڈردا کفن اوڑھ رکھیااے۔اونہاں نے آکھیا کہ ساریاں پارٹیاں دے سربراہ خموش نیں، امریکی خوف پاروں اک جلسہ نہیں کیتا، اسیں مارچ کیتے، ساریاں جماعتاں نوں اکٹھا کیتا، سفارتخانیاں وچ دستک دتی، اسیں ایران، ترکی حکومت نال رابطہ کیتا کہ ساہنوں رستہ دیون۔سراج الحق نے آکھیا کہ اسیں اسماعیل ہانیہ نال رابطہ کیتا اونہاں دے نال مل کے دشمن دے نال لڑنا چا ہندے نیں، ساڈھے رستے وچ مسلمان رکاوٹ نیں،اسیں رقم جمع کر کے اونہاں نوں فراہم کیتی۔اونہاں نے آکھیا کہ پاکستان وچ ساڈھی حکومت ہُندی تے اسرائیل اک گولی وی نہیں چلا سکدا سی، پی ڈی ایم نے مینوں آکھیا سی کہ ساڈھا ساتھ دیو مگر ساڈھی جماعت نظریاتی جماعت اے، ملک وچ اسلامی نظام چا ہندے ہاں، ہُن تک اکیلا کھڑا ہاں۔