ساڈا پہلا ایجنڈا عوام دی خدمت ہوئے گا،آصفہ بھٹو

ٹنڈوالہیار(بیورورپورٹ)آصفہ بھٹو زرداری نے آکھیا کہ بلاول بھٹو وزیراعظم بن گیا تے پہلاایجنڈا عوام دی خدمت کرنا ہوئے گا۔آصفہ بھٹو زرادری نے رضوی ہائوس وچ کارکناں نال خطاب کردیاں ہویاں آکھیا کہ تہانوں پتہ اے کہ شہید بینظیر بھٹو عورتاں دے حقوق لئی لڑدیاں سن، مگرفیر شہید بی بی ساڈھے توں کھو لئی گئی، آصف زرادری نے بی آئی ایس پی کارڈ توں عورتاں نوں حق دلوایا، مینوں یاد اے کہ بی آئی ایس پی تحت کئی عورتاں نے بالاںنوں پڑھایا تے اوہ ہن خود مختار نیں۔اونہاں نے آکھیا کہ دُوجیاں سیاسی جماعتاں عوام نوں غریب کرن اُتے تُلیاں ہوئیاں نیں، پاکستان پیپلزپارٹی نے عوام دی خدمت کیتی، بلاول بھٹو زرداری واحد سیاست دان اے جیہڑا عوام دے حقوق دی جنگ لڑ رہیا اے۔آصفہ بھٹو زرداری نے ہورآکھیا کہ 8فروری نوں تیر اُتے مہر لا کے بلاول بھٹو نوں موقع دیوے تاکہ اوہ تہاڈے حقوق لئی لڑ سکے، ووٹ دی طاقت بوہت وڈھی طاقت اے، پاکستان نوں ذوالفقارعلی بھٹو نے ایٹم دی طاقت دتی،8 فروری نوں صرف تیر نوں ووٹ دینا اے، جِت عوام دی ہوئے گی۔