نوازشریف دا نام ای سی ایل وچ پا دِتا جائے اگراوہ ہار گیا تے لندن نَس جائے گا،عمران خان

راولپنڈی(بیورورپورٹ)بانی پی ٹی آئی عمران خان نے آکھیا اے کہ 8 فروری نوں جیہڑا سماں ہوئے گااوہ منظر ہی کجھ ہور ہوئے گا،نوازشریف دانام الیکشن تک ای سی ایل اوچ پا دِتا جائے ہار گیا تے دوبارہ لندن نَس جائے گا۔اڈیالہ جیل وچ میڈیا نال گل بات کردیاں ہویاں عمران خان نے آکھیا کہ قران پاک وچ اے کہ جیہڑے معاشرے امر باالمعروف و نہی عن المنکراُتے نہیں چلدے اوہ تباہ ہو جاندے نیں، قرآن وچ ایہ وی اے کہ منافق بدی دے نال کھڑے ہُندے نیں تے اچھائی دے خلاف جاندے نیں، انصاف دے بغیر معاشرہ ترقی نہیں کرسکدا۔لوکاں نوں چُک چُک کے سافٹ ویئر اپڈیٹ کیتا جاندااے عمران خان نے آکھیا کہ لوکاں نوں چُک چُک کے سافٹ ویئر اپڈیٹ کیتا جاندااے ایہ سافٹ ویئر اپڈیٹ دے اسپیشلسٹ بن چکے نیں، ویگو ڈالا چُک کے لے جاندا اے اوس دے بعد پتہ چلدا اے کہ بندے دا سافٹ ویئر اپ ڈیٹ ہوگیا۔بانی پی ٹی آئی داکہنا سی کہ اونہاں نے پی ٹی آئی دی ساری قیادت اڑا دتی انتخابی نشان تک کھو لیا پی ٹی آئی دے امیدواراں نوں گندے گندے نشان دتے گئے لوکاں نوں چُک چُک کے 9 مئی دے کیس وچ سُٹیا جا رہیا اے مریم دے فلیٹاں نوں کیوں نہیں پچھیا جاندا؟ نواز شریف مریم نواز تے زرداری نے توشہ خانہ توں گڈیاں لئیاں اونہاں توں کیوں نہیں پچھیا جا رہیا؟ساری توجہ پی ٹی آئی ختم کرن اُتے لگی ہوئی اے ،عمران خان نے آکھیا کہ سپریم کورٹ نوں انسانی حقوق دیاں خلاف ورزیاںنوں ویکھنا اے ساڈھے امیدوار انتخابی مہم لئی نکلدے نیں تے اونہاں اُتے ایف آئی آر کٹ دتی جاندی اے اونہاں دی ساری توجہ پی ٹی آئی ختم کرن اُتے لگی ہوئی اے۔اونہاں دا کہنا سی کہ افغانستان دے نال تعلقات خراب کر لئے گئے نیں خارجہ پالیسی اُتے کسی دی توجہ نہیں اے، پلان سی نہیں دَس سکدے ورنہ فیرویگو ڈالاپہنچ جائے گا۔