عوام نوں مایوس نہیں کراں گے،حمزہ شہباز

لہور(پنجابی میڈیا گروپ)پاکستان مسلم لیگ (ن) دے نائب صدروسابق وزیراعلیٰ پنجاب حمزہ شہباز دی زیر صدارت پارٹی سیکرٹریٹ ماڈل ٹائون وچ8فروری2024ء دے عام الیکشن دیاں تیاریاں بارے اجلاس منعقد ہویا ۔جس وچ مسلم لیگ (ن) لہور دے سابق صدر حاجی امداد حسین ، سید توصیف شاہ ، وحید عالم ، بائو اختر ، وحید گل ، باقر چوہدری ، ملک شبیر کھوکھر ، رفاقت ڈوگر ایڈووکیٹ ، ناصر چوہان ایڈووکیٹ ، عمران گورائیہ ، کبیر تاج ، میاں جمیل ، صبغت اللہ سلطان تے ہوراں نے رَلت کیتی ۔ ایس موقع اُتے حمزہ شہباز نے خطاب کردیاں ہویاں آکھیا کہ ملک دے موجودہ حالات نوں ساہمنے رکھدیاں الیکشن بوہت اہمیت رَکھدے نیں ، مسلم لیگ (ن) نے ماضی وچ وی ملک نوں مشکلاں توں باہرکَڈیااے تے عوام نوں مستقبل وچ وی مایوس نہیں کراں گے۔ اونہاں نے آکھیا کہ اک اناڑی نے ملک دی معیشت دی اِٹ نال اِٹ وجا دتی ، اگر پی ڈی ایم دیاںجماعتاں اوس دے خلاف عدم اعتماد نہ لیاندیاں تے خدانخواستہ ملک دیوالیہ ہو چکیا ہُندا ۔