ملک وچ پرفیکٹ جمہوریت نہیں اے ،آصف زرداری

حب(پنجابی میڈیاگروپ)پیپلزپارٹی دے شریک چیئرمین تے سابق صدر آصف علی زرداری نے آکھیا کہ ملک وچ پرفیکٹ جمہوریت نہیں، بلوچاں نوں اونہاں دا حق دلواواں گے۔پیپلزپارٹی دے شریک چیئرمین تے سابق صدر آصف علی زرداری نے حب وچ جلسے نال خطاب کردیاں ہویاں آکھیا کہ بلوچستان دابجٹ4 وار ودھایا لیکن کِدھرے نظر نہیں آرہیا، حب دا بجٹ کِدھرے نظر نہیں آندا، شاید دوستاں دی جیب دی نظر ہو گیا۔آصف زرداری نے آکھیا کہ امن و امان بہتر کرن تے کراچی دے سرمایہ کار حب آون گے، جمہوریت اُتے چلن نال مسائل حل ہون گے، بلوچاں نوں اونہاں دی دھرتی دا حق دلواواں گے، حب نوں وی کراچی جیہا ہونا چا ہیدا اے، حب وچ پانی دی سہولت تے یونیورسٹیاں ہونیاں چاہیدیاں نیں۔پاکستان پیپلزپارٹی دے صدر آصف علی زرداری دا کہنا اے کہ بلوچستان دی بقا ہی جمہوریت وچ اے، اونہاں دوستاں نوں سمجھان جیہڑے ہتھیارچُکدے نیں۔