سائفر جنرل(ر)باجوہ دے کہن اُتے چوری کیتا گیا،عمران خان

راولپنڈی(پنجابی میڈیاگروپ)بانی پی ٹی آئی عمران خان نے آکھیا اے کہ سائفر دی حفاظتی ذمہ داری میرے اُتے نہیں ہُندی، میرے اے ڈی سی وچوں اک نے باجوہ دے کہن اُتے سائفر چوری کیتا، اصل سائفر میرے کول سی ہی نہیں جیہڑا لہرایا سی اوہ سائفر دی پیرا فریزڈ کاپی سی۔عدالت وچ دتے گئے342 دے بیان وچ عمران خان نے آکھیا کہ سائفر وزیراعظم آفس وچ سی تے سیکیورٹی دی ذمہ داری ملٹری سیکٹری، پرنسپل سیکرٹری تے سیکرٹری پروٹوکول اُتے ہندی اے جیہڑے وزیراعظم ہاوس دی سیکیورٹی نوں ویکھدے نیں، میرے ساڑھے 3 ورھیاں دے دوران ایہ واحد ڈاکیومنٹ اے جیہڑا وزیراعظم آفس توں مسنگ ہویا، سائفر مسنگ ہون اُتے ملٹری سیکریٹری توں آکھیا جائے کہ انکوائری کیتی جائے۔اونہاں نے آکھیا کہ ایہ اوہ واحد موقع سی جَد میں ملٹری سیکٹری توں نراض وی ہویا، میرے اے ڈی سی وچوں اک نے جنرل باجوہ دے کہن اُتے سائفر چوری کیتا ملٹری سیکٹری نے انکوائری دے بعد دسیا کہ سائفربارے کوئی کلیو نہیں ملا۔عمران خان نے آکھیا کہ منتخب وزیراعظم نوں سازش ذریعے ہٹایا گیا، جنرل باجوہ تے امریکی سیکرٹری آف اسٹیٹ ڈونلڈ لو سازش وچ شامل سن، میری حکومت ڈیگن لئی سازش اکتوبر 2021 وچ ہوئی جَد جنرل باجوہ نے آئی ایس آئی چیف جنرل فیض نوں تبدیل کیتا۔بانی پی ٹی آئی دا کہنا سی کہ جنرل باجوہ نواز شریف تے شہباز شریف دی ملی بھگت نال ایہ سب ہویا کیونکہ اونہاں نے جنرل باجوہ نوں مدت ملازمت ودھان دا وعدہ کیتا سی، حسین حقانی نوں امریکا وچ جنرل باجوہ دی لابنگ لئی ہائر کیتا گیا جس لئی حسین حقانی نوں35ہزار ڈالر دی ادائیگی کیتی گئی، اپریل وچ حسین حقانی نے ٹویٹ کیتا کہ عمران خان اینٹی امریکا جدکہ جنرل باجوہ اُتے امریکا اے۔عمران خان نے آکھیا کہ ساڈھے اتحادی ساہنوں چھڈ جان ایس لئی جنرل باجوہ نے آئی ایس آئی نوں استعمال کیتا آئی ایس آئی نے ساڈھے لوکاں نوں پی ٹی آئی چھڈن اُتے مجبور کیتا تے آکھیا کہ اونہاں دا مستقبل نون لیگ دے نال اے، میں جنرل باجوہ نال مل کے ایس سازش بارے گل کیتی تے اونہاں نے آکھیا کہ ایسی کوئی گل نہیں، جنرل باجوہ نال ملاقاتاں دے باوجود آئی ایس آئی ساڈھی حکومت خلاف کم کردی رہی۔اونہاں نے دسیا کہ مارچ دے پہلے ہفتے وچ میرا روس دا دورہ سی جس وچ دفتر خارجہ دی مرضی وی شامل سی روس جان توں پہلاں جنرل باجوہ نال وی گل بات ہوئی جنرل باجوہ دا کہنا سی کہ روس جانا چا ہیدا، روس توں واپس آن دے کجھ دناں بعد شاہ محمود قریشی نے دسیا کہ واشنگٹن توں اسد مجید نے سائفر میسج گھلیا اے ایہ حیران کن سائفرسی جیہڑاوزیر خارجہ تے وزیراعظم نوں وکھان لئی نہیں سی، شاہ محمود قریشی نے اسد مجید نوں ٹیلی فون کر کے سائفر بارے معلومات حاصل کیتی میں سائفر نوں پڑھ کے حیران ہوگیا۔عمران خان نے آکھیا کہ امریکی آفیشل دے نال میٹنگ وچ کسی سفیر نوں دھمکی دتی گیی ہوئے اوس دی مثال نہیں ملدی جس وچ آکھیا گیا ہوئے کہ اگر وزیراعظم نوں نہ ہٹایا تے اوس دے نتائج برآمد ہون گے اسد مجید نے ڈونلڈ لو نوں دسیا سی کہ دورہ روس اُتے سارے اسٹیک ہولڈر آن بورڈ سن اسد مجید نے امریکا نوں ڈی مارش کرن دا آکھیا سی ساڈھے اتحادی پیغام گھل رہے سن کہ اونہاں اُتے اتحاد چھڈن لئی آئی ایس آئی دا دبا اے۔ بیان وچ عمران خان نے آکھیا کہ ایس دوران امریکی سفارت خانہ وی پاکستان وچ متحرک دی ساڈھے لوکاں نوں امریکی سفارت خانے ملاقاتاں لئی بلایا جا رہیا سی عاطف خان نوں امریکی کونسل خانے بلا کے آکھیا گیا کہ وزیراعلی خیبر پختون خوادے خلاف عدم اعتماد دا ووٹ دین ایس دوران جنرل باجوہ نال کئی ملاقاتاں ہویاں تے ملاقاتاں وچ آکھیا گیا سی کہ اگر حکومت ڈیگی جاندی اے تے معیشت تباہ ہو جائے گی آکھیا گیا کہ شہباز شریف دی حکومت جیہڑی پلان کیتی جا رہی اے اوہ معاشی صورتحال سنبھال نہیں سکے گی۔عمران خان نے بیان وچ آکھیا اے کہ جنرل باجوہ مسلسل جھوٹ بولدا رہیا کہ اوہ حکومت نوں چلن دینا چا ہندے نیں پریڈ گرانڈ جلسے وچ پیپر لہرایا تے صرف خطرے دا ذکر کیتا ملک دا نام نہیں لئیا تے لفظاں دا چناو وی احتیاط نال کیتا گیا جیہڑا پیپر لہرایا گیا اوہ اصل نہیں بلکہ سائفر دی پیرا فریزڈ کاپی وی پلان جنرل باجوہ نوں پیغام دینا سی کہ اگر سازش ہوئی تے سارے پلان ایکسپوز کر دتے جان گے۔بانی پی ٹی آئی نے آکھیا کہ ڈونلڈ لوولوں سائفر جنرل باجوہ دے نام سی کیونکہ جنرل باجوہ دے کول ہی ساڈھی حکومت ڈیگن دی طاقت سی اوس دے بعد سندھ ہائوس وچ بولیاں لگیاں اک اک ایم این اے دی قیمت20کروڑ فکس کیتی گئی اٹارنی جنرل نے سائفر اُتے گل کرن توں انکارکردتا کیونکہ آئی ایس آئی نے اونہاں نون اپروچ کیتا سی حکومت ڈیگی گئی، میں عوام وچ گیا عوام دا ردعمل تریخی سی تے کجھ مہییناںبعد ہون والے ضمنی الیکشن وچ پی ٹی آئی37وچوں30سیٹاںجتیاں۔